Qazaxda yol qəzası baş verdi, xəsarət alanlar var

Qazax rayonunda baş vermiş avtomobil qəzasında xəsarət alanların şəxsiyyəti dəqiqləşib.

Rayonun Çaylı kəndində 3 avtomobilin toqquşması nəticəsində 29 yaşlı Vüqar Etibar oğlu Bənnayev, 31 yaşlı Afiq Qərib oğlu Carcıyev, 30 yaşlı Qorxmaz Biləndər oğlu Murğuzov, 30 yaşlı İkram İsfəndiyar oğlu Qocayev və 10 yaşlı Təranə Rza qızı Məmmədova xəsarət alıblar.

Qəzanın başvermə səbəbləri araşdırılır.

***22:18

Qazax rayonunda xəsarətlə nəticələnən ağır yol qəzası baş verib.

Avtosfer.az "Report"un Qərb Mərkəzinə istinadən məlumatına görə, hadisə Qazax şəhərində qeydə alınıb.

Üç avtomobilin toqquşması nəticəsində 5 nəfər xəsarət alıb. Yaralılar xəstəxanaya yerləşdirilib. Xəsarət alanlardan birinin vəziyyətinin ağır olduğu bildirilir. Onların şəxsiyyəti dəqiqləşdirilir.

Faktla bağlı araşdırma aparılır.

Gültən