Qəbələdə iki “Mercedes” toqquşdu

Qəbələ rayonunda iki minik avtomobili toqquşub.

FHN-dən  verilən məlumata görə, nazirliyinin Böhran Vəziyyətlərində İdarəetmə Mərkəzinə, Qəbələ rayonunun Zarağan kəndində “Mercedes” markalı iki minik avtomobilinin toqquşması barədə məlumat daxil olub.

Hadisə yerinə cəlb olunan Şimal-qərb Regional Mərkəzinin xilasetmə qüvvələri avtomobillərdən birinin sürücüsünü deformasiyaya uğrayan nəqliyyat vasitəsindən çıxararaq aidiyyəti üzrə təhvil veriblər.