Qəzada yaralanan gənc futbolçu öldü

21 yaşlı rusiyalı futbolçu Kirill Koçetov qəza nəticəsində dünyasını dəyişib.

Avtosfer.az xəbər verir ki, bu barədə onun oyunçusu olduğu “FC Amkar” məlumat yayıb.

Kirill həm “Amkar Perm”də, həm də “Uralets-TS”də hücumçu olub.

Qeyd edək ki, oktyabr ayında Taqil klubunun 4 futbolçusu qəzaya düşüb - Sitnikov, Koçetov, Fedoroçev və Mılnikov.

Sitnikov yerindəcə keçinib, Koçetov isə həmin andan komaya düşüb. Həkimlər onun həyatı üçün mübarizə aparsalar da, xilas edə bilməyiblər.

Lent.az