Qobustanda “07” yük maşını ilə toqquşdu; 1 nəfər öldü

Qobustanda iki nəqliyyat vasitəsinin iştirakı ilə yol-nəqliyyat hadisəsi baş verib. Daxili İşlər Nazirliyinin Mətbuat Xidmətindən verilən məlumata görə, hadisə İyunun 3-də saat 18 radələrində Çalov kəndi ərazisində baş verib.

Məlumata görə, kənd sakini G.Günəşovun idarə etdiyi “VAZ-2107” və Şamaxı rayon sakini E.Əliyevin idarə etdiyi “MAN” markalı avtomobillər toqquşub. Nəticədə G.Günəşovun sərnişini, şəhər sakini Şamil İsrafilov hadisə yerində ölüb.

Faktla bağlı Qobustan RPŞ tərəfindən araşdırma aparılır.

Namiq Musayev