Qubada 82 yaşlı kişini maşın vurdu, xəstəxanalıq oldu

Quba rayonunda yol-nəqliyyat hadisəsi baş verib.

Hadisə rayonun Alekseyevka kəndi ərazisində qeydə alınıb. Hadisəni törədən sürücü Quba rayon Polis Şöbəsinin əməkdaşı olub.

DİN Mətbuat xidmətinin Quba regional qrupunun baş inspektoru, polis leytenantı Xəyal Talıbov bildirib ki, xidmətdən kənar vaxtı polis serjantı idarə etdiyi şəxsi avtomobili ilə 82 yaşlı şəxsi vurub. Həmin şəxs dərhal polis əməkdaşı tərəfindən xəstəxanaya çatdırılıb və hazırda müalicəsi davam etdirilir.

Faktla bağlı araşdırma aparılır. (apa)