Qum fırtınası yol qəzasına səbəb oldu; 5 nəfər xəsarət aldı - VİDEO

Rusiyanın Stavropol diyarında qum fırtınası yol qəzasına səbəb olub. Avtosfer.az xəbər verir ki, hadisə iyulun 21-də “Budennovsk – Açikulak” avtomagistralının Heftekumsk rayonu ərazisindən keçən hissəsində qeydə alınıb.

Məlumata görə, qum fırtınası səbəbindən görünüş səviyyəsinin aşağı düşməsi səbəbindən iki “Lada Priora” markalı minik avtomobili toqquşub. Qəza nəticəsində 5 nəfər müxtəlif dərəcəli bədən xəsarətləri alıb. Yaralılar, təcili tibbi yardım briqadasının köməkliyi ilə xəstəxanaya çatdırılıblar.

Faktla bağlı araşdırma aparılır.

Namiq Musayev