Reys avtobusu aşdı; 1-i ağır, 19 yaralı - FOTO

Türkiyənin Ərzincan əyalətində sərnişin avtobusunun iştirakı ilə yol-nəqliyyat  hadisəsi baş verib. Avtosfer.az yerli KİV-ə istinadən xəbər verir ki, hadisə iyunun 6-da səhər saatlarında Ərzincan-Sivas avtomagistralının 89-cu kilometrliyində qeydə alınıb.

Məlumata görə, İzmirdən Ərzincana gedən Mikayıl Arazın idarə etdiyi 24 DZ 888 qeydiyyat nömrə nişanlı reys avtobusu, sürücünün sükan idarəetməsini itirməsi səbəbindən yoldan çıxaraq aşıb. Qəza nəticəsində 1-i ağır olmaqla 19 nəfər xəsarət alıb. Ətrafdakı insanların xəbər verməsi ilə hadisə yerinə polis və təcili tibbi yardım briqadasının əməkdaşları gəlib.

Yaralılar, təcili tibbi yardım maşınları ilə xəstəxanaya çatdırılıblar.

Faktla bağlı araşdırma aparılır.

Namiq Musayev