Rusiyada “07” “Nissan”la toqquşdu: 3 ölü, 2 yaralı - FOTO

Rusiyanın Tambov əyalətində iki nəqliyyat vasitəsinin iştirakı ilə ağır yol-nəqliyyatı hadisəsi baş verib. Avtosfer.az xəbər verir ki, insident fevralın 13-də səhər saatlarında Muçkapsk rayonu ərazisində qeydə alınıb. Bu barədə DİN-nin Region üzrə Mətbuat xidmətindən məlumat verilib.

Məlumata görə, “VAZ-2107” və “Nissan Almera” markalı minik avtomobilləri toqquşub. Nəticədə 3 nəfər ölüb, daha 2-si isə xəsarət alıb. Yaralılar təcili tibbi yardım briqadasının köməkliyi ilə rayon xəstəxanasına çatdırılıblar.

Hüquq-mühafizə orqanları tərəfindən hadisənin baş vermə səbəbləri araşdırılır.

Namiq Musayev