Rusiyada ağır yol qəzası: 4 ölü, 5 yaralı - FOTO

Rusiyanın Rostov əyalətində mikroavtobusun və yük maşının iştirakı ilə ağır yol-nəqliyyat hadisəsi baş verib. Avtosfer.az xəbər verir ki, insident martın 11-də gecə saatlarında M-4 “Don” trasının 869-cu kilometrliyində qeydə alınıb. Bu barədə “TASS” agentliyi məlumat yayıb.

Məlumata görə, adı açıqlanmayan sürücü idarə etdiyi “Opel Vivaro” markalı mikroavtobusu, qarşısında hərəkətdə olan “Scania” markalı yük maşınına çırpıb.

Nəticədə 4 nəfər dünyasını dəyişib, daha 5-i isə təcili tibbi yardım briqadasının köməkliyi ilə Millerovsk rayonu ərazisində yerləşən xəstəxanaya çatdırılıblar.

Qəzaya, mikroavtobus sürücüsünün sükan arxasında yatması səbəbində baş verə biləcəyi ehtimal edilir.

Faktla bağlı araşdırmalara başlanılıb.

Namiq Musayev