Rusiyada tramvay TIR-la toqquşdu: 10-dan çox insan yaralandı - VİDEO

Rusiyanın Yekaterinburq şəhərində tramvayın və TIR-ın iştirakı ilə yol-nəqliyyat hadisəsi baş verib. Avtosfer.az xəbər verir ki, insident aprelin 28-də Raevsk küçəsində qeydə alınıb. Bu barədə “İnterfaks” agentliyi məlumat yayıb.

Agentliyin məlumatına görə, hərəkətdə olan tramvay hələ ki məlum olmayan səbəblərdən  “DAF” markalı yük maşını ilə toqquşub. Hadisə nəticəsində 10-dan çox insan xəsarət alıb. Yaralılar, hadisə yerinə çağırılan təcili tibbi yardım briqadasının köməkliyi ilə xəstəxanaya çatdırılıblar.

Qəzanın baş vermə səbəbləri araşdırılır.

Namiq Musayev