Sabirabadda baş verən qəzada 2 nəfər ölüb, 2 nəfər xəsarət alıb

Sabirabad rayonunun Qalağayın kəndi ərazisində ağır yol qəzası baş verib. 

Avtosfer.az xəbər verir ki, “Prado” markalı minik avtomobili “Shacman” yük avtomobili ilə toqquşub. 

Qəza nəticəsində bir ailənin 4 üzvündən 2 nəfər ölüb (bir qadın, bir kişi), 2-si isə yaralanıb. Yaralılar Şirvan Şəhər Xəstəxanasına yerləşdirilib. 

Faktla bağlı Sabirabad Rayon Polis Şöbəsi tərəfindən araşdırma aparılır.