Sabirabadda "Nissan" traktorla toqquşdu - Ölən var

İyunun 26-da saat 3 radələrində Sabirabad rayonunun Çiçəkli kəndi ərazisində kənd sakini Ş.Xankişiyevin idarə etdiyi “Nissan” markalı avtomobillə həmkəndlisi V.Məmmədovun idarə etdiyi “T-28” markalı traktor toqquşub.

Bu barədə Daxili İşlər Nazirliyindən (DİN) Avtosfer.az-a verilən məlumatda bildirilib.

Nəticədə Ş.Xankişiyevin sərnişini Elsevər Quliyev hadisə yerində ölüb, özü, digər sürücü və sərnişini xəstəxanaya yerləşdiriliblər. 

Sabirabad Rayon Polis Şöbəsində araşdırma aparılır.