Şabran rayon sakini olan gənc qadın avtomobil qəzasında xəsarət alıb.

Report-un verdiyi məlumata görə, yol-nəqliyyat hadisəsi Siyəzən rayonu ərazisində baş verib.

Belə ki, Şabran rayon sakini Nuru Füzuli oğlu Hacıyevin idarə etdiyi 99-PK-917 dövlət nömrə nişanlı Nissan X-trail markalı minik avtomobili qoşqulu yük avtomobilinə çırpılıb. Nəticədə, minik avtomobilində olan sərnişin Şabran rayon sakini 1987-ci il təvəllüdlü Vüsalə Hacıbaba qızı Hacıyeva müxtəlif dərəcəli xəsarətlər alıb. Yaralı Şabran Rayon Mərkəzi Xəstəxanasına yerləşdirilib, ilkin tibbi yardım göstərilib.

Faktla bağlı araşdırma aparılır.