Şabranda maşın aşıb, 4 məktəbli xəsarət alıb

Şabran rayonunda 4 nəfərin xəsarət alması ilə nəticələnən yol-nəqliyyat hadisəsi baş verib.

Avtosfer.az APA-nın şimal bürosuna istinadən verdiyi məlumata görə, hadisə rayonun Gəndob kəndi ərazisində qeydə alınıb.

"Fiat" markalı maşının yoldan çıxıb aşması nəticəsində 4 nəfər müxtəlif dərəcəli bədən xəsarətləri ilə Şabran Mərkəzi Rayon Xəstəxanasına yerləşdirilib.

Onlar Şabran rayon sakinləri - Musayev Azər Zahid oğlu, Rəsulov Kamil Arif oğlu, Qasanov Ziya Məzahir oğlu və Mirzəliyev Pərvin Nəsrulla oğludur.

Xəsarət alan şəxslər orta məktəb şagirdləridir və onlar eyni sinifdə oxuyurlar.