Salyanda avtomobil piyadanı vuraraq öldürüb

Salyanda ölümlə nəticələnən qəza baş verib.

APA-nın məlumatına görə, hadisə Ələt-Astara və Şirvan-Salyan magistrallarının kəsişməsinə yaxın hissəsədə qeydə alınıb. Hələlik şəxsiyyəti məlum olmayan şəxsi yolu keçərkən avtomobil vurub. Piyada aldığı xəsarətlərdən hadisə yerində ölüb. Meyit müayinə olunmaq üçün Neftçala Pataloji Anatomiya və Məhkəmə Tibbi Ekspertiza Birliyinin Neftçala rayon şöbəsinə yerləşdirlib.

Faktla bağlı BDYP tərəfindən araşdırma aparılır.