Şəkidə qəza olub, ölən və yaralananlar var - FOTO

Şəkidə ağır yol-nəqliyyat hadisəsi baş verib. 

Avtosfer.az "Report"un Şimal-Qərb bürosuna istinadən verdiyi məlumata görə, hadisə bu gün səhər saatlarında rayonun Köbər-Zəyzid kəndi ərazisində qeydə alınıb.

Belə ki, iki "VAZ" markalı avtomobilin toqquşması nəticəsində 1 nəfər ölüb, bir neçə nəfər isə yaralanıb.

Yaralılar Şəki Rayon Mərkəzi Xəstəxanasına çatdırılıb. Hazırda ölən və yaralananların şəxsiyyəti dəqiqləşdirilir.

Fakt bağlı araşdırma aparılır.