Şirvanda “VAZ” evin hasarına çırpıldı, 24 yaşlı sürücü həyatını itirdi - VİDEO

Şirvan şəhərində ölümlə nəticələnən yol-nəqliyyat hadisəsi baş verib.

Avtosfer.az-ın məlumatına görə, qəza dekabrın 26-da axşam saatlarında qeydə alınıb. Belə ki, 2000-ci il təvəllüdlü Novruzlu Vüqar Eldar oğlunun idarə etdiyi “VAZ-2107” markalı maşın fərdi yaşayış evinin hasarına çırpılıb. İddialara əsasən, qəzaya səbəb içkili halda sükan arxasında əyləşən sürücünün sürət həddini aşması olub. Hadisə nəticəsində sürücü ağır xəsarətlər alıb, nəqliyyat vasitəsi yararsız vəziyyətə düşüb. Yaralı kəllə-beyin travması diaqnozu ilə Şirvan Şəhər Mərkəzi Xəstəxanasının reanimasiya şöbəsinə yerləşdirilsəçdə onun həyatını xilas etmək mümkün olmayıb.

Qeyd edək ki, faktla bağlı araşdırma aparılır.