Son 20 gündə 27 nəfər yol qəzasında həyatını itirib - RƏSMİ

“Son 20 gün ərzində respublika ərazisində 67 yol-nəqliyyat hadisəsi qeydə alınıb”.

Avtosfer.az xəbər verir ki, bu barədə Oxu.Az-a Baş Dövlət Yol Polisi İdarəsinin (BDYPİ) İctimaiyyətlə əlaqələr şöbəsinin rəisi, polis polkovniki Kamran Əliyev məlumat verib.

O bildirib ki, aprelin 1-dən bu günə qədər qeydə alınan qəzalarda 27 nəfər ölüb, 76 nəfər isə yaralanıb:

“Bu hadisələrin 10-u Bakı şəhəri ərazisində baş verib. Nəticədə dörd nəfər ölüb, səkkiz nəfər yaralanıb. 

Respublikanın müxtəlif rayonlarında qeydə alınan qəzaların sayı 40-a çatıb. Bu qəzalarda 15 nəfər həyatını itirib, 55 nəfər isə yaralanıb. 

Daha 16 yol-nəqliyyat hadisəsi isə respublikanın rayonlararası yollarında qeydə alınıb. Bu qəzalarda yeddi nəfər ölüb, 13 nəfər yaralanıb. 

Naxçıvanda isə bir nəfərin ölümü ilə nəticələnən bir yol-nəqliyyat hadisəsi qeydə alınıb”.