“Sprinter” TIR-ın altına girdi: 1 ölü, 16 yaralı - FOTO

Rusiyanın Vladimir əyalətində mikroavtobusun və TIR-ın iştirakı ilə ağır yol-nəqliyyat hadisəsi baş verib. Avtosfer.az xəbər verir ki, insident M-7 “Volqa” trasının 335-ci kilometrliyində qeydə alınıb. Bu barədə “TASS” agentliyi məlumat yayıb.

Məlumata görə, içərisində 17 inşaat işçisinin olduğu “Mercedes Sprinter” markalı mikroavtobus, sürücünün idarəetməsindən çıxaraq “Mercedes” markalı TIR-a arxadan çırpılıb. Zərbənin təsirindən mikroavtobusun ön hissəsi yük maşınının altına girib.

Nəticədə “Sprinter”də olan 1 nəfər ölüb, daha 16-sı isə xəsarət alıb. Yaralılar, təcili tibbi yardım briqadasının köməkliyi ilə xəstəxanaya çatdırılıb.

Faktla bağlı təhqiqatlara başlanılıb.

Namiq Musayev