Sumqayıtda xəsarətlə nəticələnən yol-nəqliyyat hadisəsi baş verib

Sumqayıt şəhərinin Sülh küçəsində yol-nəqliyyat hadisəsi qeydə alınıb. 

Avtosfer.az APA-nın yerli bürosuna istinadən məlumatına görə, hərəkətdə olan “Mercedes” markalı avtomobil qarşısındakı avtomobili ötmək istəyərkən qəza törədib. 

Nəticədə “Mercedes”in sürücüsü idarəetməni itirərək yol kənarındakı işıq dirəyinə çırpılıb. İşıq dirəyi isə digər avtomobilin üzərinə aşıb. Hadisə nəticəsində “Mercedes”in sürücüsü xəsarət alaraq xəstəxanaya yerləşdirilib.

Faktla bağlı araşdırma aparılır.