Sumqayıtda yolu keçən iki piyadanı maşın vurub

Sumqayıtda 2 nəfərin xəsarət alması ilə nəticələnən yol-nəqliyyat hadisəsi baş verib.

APA-nın yerli bürosunun məlumatına görə, şəhər ərazisində yolu keçmək istəyən - 1969-cu il təvəllüdlü Qədimova Leyla Əvəzxan qızı və 1955-ci il təvəllüdlü Rəsulov Yaşar Gülməmməd oğlunu avtomobil vurub. Hər iki piyada müxtəlif dərəcəli bədən xəsarətləri ilə xəstəxanaya yerləşdiriliblər.

Faktla bağlı araşdırma aparılır.