Suraxanıda “Tofaş” “KİA” ilə toqquşdu: 1 ölü

Bakının Suraxanı rayonu ərazisində 1 nəfərin ölümü ilə nəticələnən yol-nəqliyyat hadisəsi baş verib. Daxili İşlər Nazirliyinin (DİN) Mətbuat Xidmətindən Avtosfer.az-a verilən məlumata görə, martın 3-də saat 21 radələrində Suraxanı rayonunun Ramana qəsəbəsi ərazisində Bakı şəhər sakinləri Sahib Kərimovun idarə etdiyi “Tofaş” və M.Zahidovun idarə etdiyi “KİA” markalı avtomobillər toqquşmuşdur. Nəticədə “Tofaş”ın sürücüsü aldığı xəsarətlərdən hadisə yerində ölüb.

Suraxanı RPİ tərəfindən araşdırma aparılır.

Namiq Musayev