Suriyada ağır yol qəzası: az 30 nəfər ölüb - FOTO

Suriyada 5-dən çox nəqliyyat vasitəsinin iştirakı ilə ağır yol qəzası baş verib. Avtosfer.az xəbər verir ki, insident Dəməşq – Homs şosesində qeydə alınıb. Bu barədə SANA agentliyi məlumat verib.

Agentliyin məlumatına görə, Bağdad körpüsündə yüksək sürətlə hərəkətdə olan benzin daşıyan maşın, iki avtobus və bir neçə minik avtomobili toqquşub. Nəticədə azı 30 nəfər dünyasını dəyişib.

Hadisə yerinə səhiyyə, polis və xilasetmə xidmətinin əməkdaşları cəlb edilib.

Yaralılar, təcili tibbi yardım briqadasının köməkliyi ilə xəstəxanalara çatdırılıblar. Xəsarət alanların sayı hələlik məlum deyil.

Namiq Musayev