Sürücülük hüququ olmadan sürdükləri maşınlar toqquşdu - Ölən var - VİDEO

Ötən gecə Sabirabadda ağır yol qəzası baş verib.

Avtosfer.az xəbər verir ki, Sabirabadşəhər Heydər Əliyev proskpetində 2002-ci il təvəllüdlü Namil Cəbrayılzadənin idarə etdiyi “Lada Priora” markalı avtomobillə 1992-ci il təvəllüdlü Tamerlan Zamanovun sürdüyü “Vaz 2107” toqquşub. Nəticədə Tamerlan Zamanov aldığı xəsarətlərdən rayon xəstəxanasında ölüb. N.Cəbrayılzadə isə hər iki aşağı ətrafların çoxsaylı yerdəyişən sınığı diaqnozu ilə Sabirabad rayon mərkəzi xəstəxanasına yerləşdirilib.

İlkin araşdırma zamanı məlum olub ki, qəzada toqquşan maşınları idarə edənlərin ikisi də rayonun Kürkəndi kənd sakinidir. Onların heç birinin sürücülük hüququ olmaması da müəyyən edilib.

Faktla bağlı Sabirabad RPŞ-də cinayət işi açılıb.