Sürücüsü sükan arxasında yatdı: avtobus meşəliyə girdi - FOTO

Rusiyanın İrkutsk əyalətində ölkələrarası sərnişin avtobusu qəzaya uğrayıb. Avtosfer.az xəbər verir ki, insident martın 21-də səhər saatlarında Zalarinsk rayonunun Delyür kəndi ərazisində qeydə alınıb. Bu barədə Daxili İşlər Nazirliyinin Regional üzrə İdarəsinin Mətbuat Xidmətindən məlumat verilib.

Məlumata görə, Jeleznoqorsk – İlmskiy - İrkutsk marşrutu ilə hərəkət edən 40 sərnişinin olduğu avtobus, sürücünün sükan idarəetməsini itirməsi səbəbindən yoldan çıxaraq meşəlik əraziyə hərəkət edib.

Nəticədə 50 yaşlı sürücü müxtəlif dərəcəli bədən xəsarətləri ilə xəstəxanaya yerləşdirilib.

Bildirilir ki, qəzaya sürücünün sükan arxasında yatması səbəb olub.

Faktla bağlı araşdırmalara  başlanılıb.

Namiq Musayev