“Taksi” ilə toqquşan avtobus aşdı; 11 nəfər xəsarət aldı - FOTO

Türkiyənin Karaman əyalətində avtobusun və minik avtomobilinin iştirakı ilə yol-nəqliyyat hadisəsi baş verib. Avtosfer.az xəbər verir ki, qəza mayın 29-da səhər saatlarında Yeni Məhəllə Bələdiyyə qovşağında qeydə alınıb.

Məlumata görə, içərisində külək elektrik stansiyasının işçilərinin olduğu, R.Y.-nın idarə etdiyi  70 FP 615 qeydiyyat nömrə nişanlı “İSUZU” markalı avtobus, qovşaqda A.B.-nin idarə etdiyi 70 T 0132 qeydiyyat nömrə nişanlı “taksi” ilə toqquşub. Zərbənin şiddətindən avtobus aşıb.

Hadisə nəticəsində “İSUZU”dakı 11 işçi müxtəlif dərəcəli bədən xəsarətləri alıb və çağırılan ambulanslarla xəstəxanaya çatdırılıblar. Onların səhhətlərinin sabit olduğu bildirilib.

Faktla bağlı araşdırmalara başlanılıb.

Namiq Musayev