Tanınmış aktyoru gəzinti zamanı "Porsche" vurdu - FOTO

“Matrisa” filmində və “The Sopranos” serialında rol alan amerikalı aktyor Cozef Pantogliano yol qəzasına düşüb. Avtosfer.az xəbər verir ki, bu barədə mayın 1-də aktyorun həyat yoldaşı “TMZ” portalına bildirib. Onun sözlərinə görə, ailə gəzintyə çıxıb və bu zaman sürətlə hərəkətdə olan "Porsche" markalı minik avtomobili aktyoru vurub. Sonra isə avtomobil daha bir nəqliyyat vasitəsinə çırpılıb. 

O, həmçinin qeyd edib ki, zərbənin təsirindən Cozef bir neçə metr kənara düşüb. “Cozef başından, çiynindən və ayağından xəsarətlər alıb. Hazırda o xəstəxanadadır” – deyə Pantoglianonun xanımı qeyd edib.

Namiq Musayev