“Təcili yardım” 2 “Lada” ilə toqquşdu: 3 nəfər xəsarət alıb - FOTO

Rusiyanın Saratov əyalətində 3 nəqliyyat vasitəsinin iştirakı ilə yol-nəqliyyat hadisəsi baş verib. Avtosfer.az xəbər verir ki, insident aprelin 11-də axşam saatlarında Saratov – Engels körpüsündə qeydə alınıb. Bu barədə Dövlət Yol Polis İdarəsinin region üzrə Mətbuat Xidmətindən məlumat verilib.

Məlumata görə, “UAZ” markalı “təcili tibbi yardım” maşını, “Lada Granta” və “Lada Priora” markalı minik avtomobilləri ilə toqquşub.

Nəticədə 2016-cı il təvəllüdlü qız və daha 2 nəfər müxtəlif dərəcəli bədən xəsarətləri alıblar. Yaralılar, hadisə yerinə çağırılan təcili tibbi yardım briqadasının köməkliyi ilə xəstəxanaya çatdırılıblar.

Bildirilir ki, qəza zamanı "UAZ"ın içərisində xəstə olmayıb.

Faktla bağlı araşdırmalara başlanılıb.

Namiq Musayev