Təkəri partlayan avtobus binaya çırpıldı: azı 23 nəfər öldü

Nigeriyanın Jigava əyalətində avtobusun iştirakı ilə ağır yol-nəqliyyat hadisəsi baş verib. Avtosfer.az Türkiyə KİV-nə istinadən xəbər verir ki, insident Jahun bölgəsində qeydə alınıb.

Məlumata görə, hərəkətdə olan sərnişin avtobusu, təkərinin partlaması səbəbindən sürücünün idarəetməsindən çıxaraq sürətlə binaya çırpılıb.

Nəticədə 23 nəfər dünyasını dəyişib, xeyli sayda insan isə xəsarət alıb.

Yaralılar, hadisə yerinə çağırılan ambulansların köməkliyi ilə ərazidə yerləşən xəstəxanalara çatdırılıblar. Onlardan bəzilərinin vəziyyətlərinin ağır olduğu bildirilir.

Ölənlərin sayının artması istisna edilmir.

Namiq Musayev