Tərtərdə dəhşətli qəza: "07" ilə yük avtomobili toqquşdu, ölən və yaralananlar var - FOTO

Tərtərdə sürücünün ölümü ilə nəticələnən yol-nəqliyyat hadisəsi baş verib. Avtosfer.az xəbər verir ki, hadisər rayonunun Qaraqoyunlu kəndi ərazisində qeydə alınıb. Kənd sakini, 1963-cü il təvəllüdlü Məmmədov Təhməz Akif oğlunun idarə etdiyi “VAZ 2107” markalı avtomobil hərəkətdə olan yük avtomobili ilə toqquşub.

Nəticədə “Jiquli”nin sürücüsü T.Məmmədov hadisə yerində dünyasını dəyişib, yük avtomobilində olan sərnişin və sürücü isə ağır bədən xəsarətləri ilə Bərdə Mərkəzi Rayon Xəstəxanasına çatdırılıb, vəziyyətləri ağırdır.

Faktla bağlı araşdırma aparılır.