Tətildən qayıdanlar qəzaya düşdülər; 5 ölü, 4 ağır yaralı - FOTO

Fransanın Drom departamentində minik avtomobilinin iştirakı ilə dəhşətli yol qəzası baş verib. Avtosfer.az xəbər verir ki, hadisə “A7” avtomagistralında qeydə alınıb. Bu barədə iyulun 20-də “Le Dauphine” nəşri məlumat yayıb.

Məlumata görə, “Renault” markalı minik avtomobili, hərəkətdə olarkən əyləcində yaranan nasazlıq səbəbindən sürücünün idarəetməsindən çıxaraq yol kənarına hərəkət edib və çevrilərək yanıb.

Qəza nəticədə 3-14 yaşlarında 5 azyaşlı dünyasını dəyişib, daha 4 nəfər isə ağır xəsarətlər alıb.

Yaralılar, hadisə yerinə çağırılan xilasetmə və təcili tibbi yardım briqadasının köməkliyi ilə xəstəxanaya çatdırılıblar.

Bildirilir ki, qəza zamanı avtomobilin içərisində 9 nəfər olub, onlar tətildən qayıdırlarmış.

Namiq Musayev