Tovuzda avtomobil aşıb

Tovuzda yol-nəqliyyat hadisəsi baş verib. Avtosfer.az-ın APA-ya istinadən məlumatına görə, rayonun Aşağı Quşçu kəndində “Mercedes” markalı minik avtomobili yoldan çıxaraq aşıb. Qəza zamanı 2 nəfər xəsarət alıb. Xəsarət alanlar rayon sakinləri 1993-cü il təvəllüdlü Əkbərov Arzu Süleyman oğlu və 1996 ci il təvəllüdlü Bayramov Allahverdi Sahib oğludur.

Hadisə yerinə DYP əməkdaşları cəlb olunub. Faktla bağlı araşdırma aparılır.