Tovuzda qəza: “VAZ” “Honda” ilə toqquşaraq məhəccərə çırpıldı - VİDEO

Tovuz rayonunda yol-nəqliyyat hadisəsi baş verib.

Avtosfer.az-ın məlumatına görə, qəza avqustun 28-də gecə saatlarında qeydə alınıb. Belə ki, hərəkətdə olan 77-GO-891 dövlət nömrə nişanlı “VAZ-2104” markalı maşın, “Honda” markalı avtomobillə toqquşub. Şahidlərin iddiasına əsasən, qəzaya səbəb ötmə qaydasının pozulması olub. Zərbənin təsirindən “VAZ” səkiyə çıxaraq dəmir məhəccərə çırpılıb. Hadisə zamanı hər iki nəqliyyat vasitəsinə maddi ziyan dəyib. Xoşbəxtlikdən sürücülər arasında xəsarət alan olmayıb. 

Qeyd edək ki, hadisə yerinə DYP əməkdaşları cəlb olunub.

Faktla bağlı araşdırma davam edir. 

Nərmin