Toya gedən qonaqları aparan avtobus çaya aşdı: azı 24 ölü, 5 ağır yaralı

Hindistanın Radcastan ştatında avtobusun iştirakı ilə ağır yol-nəqliyyat hadisəsi baş verib. Avtosfer.az xəbər verir ki, insident bu gün səhər saatlarında Bundi bölgəsində qeydə alınıb. Bu barədə “Hindustan Times” qəzeti məlumat yayıb.

Nəşrin məlumatına görə, keçirilən toy mərasiminə qonaqları aparan avtobus, sürücünün idarəetməsindən çıxaraq körpüdən Medc çayına düşüb.

Nəticədə azı 24 nəfər ölüb, daha 5-i isə ağır xəsarət alıb. Yaralılar, hadisə yerinə çağırılan ambulanslarla xəstəxanaya çatdırılıblar.

Bildirilir ki, avtobusda 29 nəfər olub.

Qəza yerinə polis və xilasetmə xidmətinin əməkdaşları cəlb edilib.

Araşdırmalar aparılır.

Namiq Musayev