“Toyota” “Fiat”la toqquşdu: 4 ölü, 4 yaralı - FOTO

Türkiyənin Konya vilayətində iki nəqliyyat vasitəsinin iştirakı ilə ağır yol qəzası baş verib. Avtosfer.az insident martın 28-də axşam saatlarında Güneysınır rayonu ərazisində qeydə alınıb.

Məlumata görə, Abdullah Unal idarə etdiyi 42 KS 462 qeydiyyat nömrə nişanlı “Toyota” markalı minik avtomobillə hərəkətdə olarkən, naməlum olmayan səbəblərdən qarşı zolaqdan gələn Veysəl Ağbaşın idarə etdiyi 42 SP 397 qeydiyyat nömrə nişanlı “Fiat Doblo” markalı maşınla toqquşub. Zərbənin təsirindən hər iki avtomobil deformasiyaya uğrayıb.

Nəticədə 4 nəfər  hadisə yerində vəfat edib, daha 4-ü isə xəsarət alıb. Yaralılar, təcili tibbi yardım briqadasının köməkliyi ilə xəstəxanaya çatdırılıblar. 

Faktla bağlı araşdırmalara başlanılıb.

Namiq Musayev