“Toyota” “QAZ-21”lə toqquşdu: 3 ölü, 5 yaralı - FOTO

Rusiyanın Tuva Respublikasında iki minik avtomobilinin iştirakı ilə ağır yol-nəqliyyat hadisəsi baş verib. Avtosfer.az xəbər verir ki, insident martın 27-də yerli saatla 15:00-da Qızıl şəhərinin Kalinina küçəsində qeydə alınıb. Bu barədə “TASS” agentliyi məlumat yayıb.

Məlumata görə, “Toyota Platz” markalı minik avtomobili yolun əks istiqamətinə çıxaraq qarşıdan gələn “QAZ-21029” markalı minik maşını ilə toqquşub. Zərbənin təsirindən hər iki avtomobilin ön hissəsi deformasiyaya uğrayıb.

Nəticədə 3 nəfər aldıqları xəsarətlərdən hadisə yerində vəfat ediblər, daha 5-i isə, təcili tibbi yardım briqadasının köməkliyi ilə xəstəxanaya çatdırılıblar.

Faktla bağlı araşdırmalara başlanılıb.

Namiq Musayev