Türkiyədə ağır yol qəzası: 2-si hərbçi, 3 ölü - FOTO

Türkiyənin Konya vilayətində iki nəqliyyat vasitəsinin iştirakı ilə ağır yol qəzası baş verib. Avtosfer.az yerli KİV-ə istinadən xəbər verir ki, hadisə ötən axşam Konya- Beyşehir avtomagistralının Akyokuş istiqamətindən keçən hissəsində qeydə alınıb.

Məlumata görə, 21 yaşlı Əli Gəncin idarə etdiyi 46 VM 298 qeydiyyat nömrə nişanlı avtomobil, 50 yaşlı Reyhan Uçarın idarə etdiyi 42 AFJ 888 qeydiyyat nömrə nişanlı maşınla toqquşub. Zərbənin təsirindən hər iki maşın deformasiyaya uğrayıb.

Nəticədə Əli Gənc hadisə yerində onun sərnişini Mücahid Öktem və Reyhan Uçar isə xəstəxanada vəfat ediblər.

Qəzada dünyasını dəyişən Əli Gənclə Mücahid Öktemin hərbçi olduqları məlum olub.

Polis insidentlə bağlı araşdırmalara başlayıb.

Namiq Musayev