Türkiyədə ağır yol qəzası: 3-ü qardaş olmaqla 4 ölü, 6 yaralı - FOTO

Türkiyənin Sinop vilayətində iki nəqliyyat vasitəsinin iştirakı ilə ağır yol qəzası baş verib.  Avtosfer.az yerli KİV-ə istinadən xəbər verir ki, insident martın 15-də axşam saatlarında Sinop – Boyabat trasının 13-cü kilometrliyində qeydə alınıb.

Məlumata görə, sürücülərinin adları müəyyənləşməyən 57 DN 678 və 34 CF 756 qeydiyyat nömrə nişanlı minik avtomobilləri toqquşub. Zərbənin təsirindən hər iki maşın deformasiyaya uğrayıb.

Nəticədə 4 nəfər ölüb, daha 6-sı isə xəsarət alıb.

Yaralılar, təcili tibbi yardım briqadasının köməkliyi ilə yaxınlıqdakı xəstəxanaya çatdırılıblar.

Ölənlərdən 3-ün qardaş olduqları bildirilir.

Hadisənin baş vermə səbəbləri araşdırılır.

Namiq Musayev