Türkiyədə avtobus aşdı: 4 ölü, 24 yaralı...

Türkiyənin Kayseri əyalətində sərnişin avtobusu qəzaya uğrayıb.

Avtosfer.az xəbər verir ki, avtobus yoldan kənara çıxaraq aşıb. Qəza nəticəsində 4 nəfər həlak olub, 24 nəfər isə xəsarət alıb.

Məlumata əsasən, avtobus Malatyadan İstanbula gedirmiş. Hadisə yerinə çox sayda xilasedicilər və təcili yardım briqadaları cəlb edilib.

Qeyd edilir ki, 3 nəfər qəza yerində, 1 nəfər isə xəstəxanada ölüb. Eyni zamanda bildirilir ki, xəsarət alanlardan üçünün vəziyyəti ağırdır.

Avtobus sürücüsü polislər tərəfindən saxlanılıb.