Türkiyədə avtobus su kanalına aşdı, 9 nəfər...

Türkiyənin Sinop şəhərindən Kastamonu şəhəri istiqamətində hərəkət edən sərnişin avtobusunun idarəetmədən çıxaraq yol kənarındakı su kanalına aşması nəticəsində 9 nəfər xəsarət alıb.

Bu barədə Türkiyə mətbuatı xəbər verir.

Məlumata görə, hadisə yerinə təcili yardım, jandarm və xilasetmə qrupları cəlb edilib.

Yaralılar təcili yardım maşınları ilə Sinopun Atatürk Dövlət Xəstəxanasına aparılıb. Onlardan birinin vəziyyəti ağırdır.