Türkiyədə sərnişin avtobusu dərəyə aşdı: 30 nəfər yaralandı

Türkiyədə qarlı hava ağır yol-nəqliyyat hadisəsinə səbəb olub.

Diyarbəkir-Şanlıurfa şosesində hərəkət edən avtobus yolun buzlamasına görə idarəetməni itirərək dərəyə aşıb.

Qəza nəticəsində 4-ü ağır olmaqla 30 sərnişin xəsarət alıb.

Hadisə yerinə hüquq-mühafizə orqanlarının əməkdaşları və xilasetmə qüvvələri cəlb olunub.

Yaralılar xəstəxanaya aparılıb.

(APA)