Türkiyəli aktyor qəzaya düşdü - FOTO

Türkiyəli aktyor Celil Nalçakan dünən gecə avtomobil qəzasına düşüb.

Avtosfer.az xəbər verir ki, hadisədən sonra sosial media hesabında paylaşım edən məşhur aktyor baş verənləri özü izah edərək yayılan yanlış məlumatların qarşısını almaq istədiyini bildirib.

“Poyraz Karayel”, “Leydi Di”, “Kardeşlerim” kimi layihələrlə tanınan və hazırda “Rüya Gibi” serialı ilə yenidən ekranlara qayıdan Nalçakan paylaşımında həm qəza barədə danışıb, həm də hadisə yerindən görüntülər paylaşıb.

“Hamıya salam. Birinci ağızdan eşitməyinizi istədim. Çünki belə hallarda yayılan yanlış məlumatlar həm yaxınlarımızı, həm də bizi sevənləri çox narahat edir. Bəli, avtomobil qəzası keçirdik. Havanın şəraiti səbəbilə qarşıdan gələn qardaşımız sükana nəzarəti itirdi”, - 47 yaşlı aktyor açıqlamasında deyib.

Aktyor səhhətinin yaxşı olduğunu, qarşı tərəfdəki sürücünün və onunla birlikdə olan, həm də asistentliyini edən qardaşının da vəziyyətinin yaxşı olduğunu deyib.

“Bizdə bir cızıq belə yoxdur, amma maşınlarda bir az problem var. Yanlış xəbərlər canınızı sıxmasın deyə istəyirdim ki, hadisəni birbaşa məndən eşidəsiniz. Hər şey qaydasındadır”, – deyə o əlavə edib.

Xatırladaq ki, Celil Nalçakan bir neçə ay əvvəl ağız boşluğunda yaranan problemlə bağlı 6 saatlıq əməliyyat olunmuşdu.