“Uaz” “Chevrolet”lə toqquşdu: 4 ölü, 2 yaralı - FOTO

Rusiyanın Voronej əyalətində iki minik avtomobilinin iştirakı ilə ağır yol qəzası baş verib. Avtosfer.az xəbər verir ki, insident martın 29-da Ertil – Zernovka avtomagistralının 10-cu kilometrliyində Dmitrievka qəsəbəsi ərazisində qeydə alınıb. Bu barədə “TASS” agentliyi məlumat yayıb.

Məlumata görə, “Uaz” və “Chevrolet Lacetti” markalı nəqliyyat vasitələri toqquşub. Nəticədə 4 nəfər aldığı xəsarətlərdən hadisə yerində vəfat ediblər. Daha 2-si isə xəstəxanaya yerləşdiriliblər.

Qəzanın baş vermə səbəbləri araşdırılır.

Namiq Musayev