"UAZ" dərəyə aşdı; sürücü vəfat etdi - Cəlilabadda

Cəlillabadda ölümlə nəticələnən yol-nəqliyyat hadisə baş verib. Daxili işlər Nazirliyinin Mətbuat Xidmətindən Avtosfer.az-a verilən məlumata görə, hadisə iyunun 3-də saat 14 radələrində Buravar kəndi ərazisində baş verib.

Məlumata görə, kənd sakini Sahib Şahmarov idarə etdiyi “UAZ” markalı dövlət qeydiyyat nişanları olmayan avtomobili dərəyə aşırıb. Nəticədə xəsarətlə xəstəxanaya yerləşdirilmiş sürücü orada ölüb.

Faktla bağlı Cəlilabad Rayon Polis Şöbəsi tərəfindən araşdırma aparılır.

Namiq Musayev