Vertolyot yerə çırpılaraq yandı; 2 nəfər dünyasını dəyişdi

İspaniyanın Kataloniya muxtar bölgəsində vertolyot qəzaya uğrayıb. Avtosfer.az xəbər verir ki, hadisə iyulun 6-da Leyda əyalətinin Alt-Urjel rayonunda qeydə alınıb. Bu barədə bölgənin hüquq-mühafizə orqanlarının “Twitter” səhifəsində məlumat dərc olunub.

Məlumata görə, ərazidə elektrik xətlərinə nəzarət baxışı keçirən vertolyot, naməlum səbəblərdən hündürlüyü itirərək yerə çırpılıb. Zərbənin təsirindən hava maşını yanıb. Alovlar, yanğınsöndürənlər tərəfindən söndürülüb və yaxınlıqdakı meşəlik əraziyə keçməsinin qarşısı alınıb.

Bildirilir  ki, qəza nəticəsində 2 nəfər dünyasını dəyişib.

Hüquq-mühafizə orqanları tərəfindən hadisənin təfərrüatları araşdırılır.

Namiq Musayev