“Vesta” “Qazel”ə çırpıldı; 5 nəfər yaralandı -  FOTO

Rusiyanın Novosibirsk əyalətində iki minik avtomobilinin iştirakı ilə yol-nəqliyyat hadisəsi baş verib. Avtosfer.az yerli KİV-ə istinadən məlumat verir ki, aprelin 24-də gecə saatlarında Nemiroviç-Dançenko küçəsində adı açıqlanmayan sürücü idarə etdiyi “Lada Vesta” markalı minik avtomobillə hərəkətdə olan zaman naməlum səbəblərdən sükan idarəetməsini itirib. Bundan sonra idarəetmədən çıxan avtomobil yol kənarında park edilmiş “Qazel” markalı yük maşınına arxadan çırpılıb.

Qəza nəticəsində “Lada”nın sürücüsü və salonda olan 4 nəfər müxtəlif dərəcəli bədən xəsarətləri alıb. Yaralılar, hadisə yerinə çağırılan təcili tibbi yardım briqadasının köməkliyi ilə xəstəxanaya çatdırılıblar.

Faktla bağlı araşdırmalara başlanılıb.

Namiq Musayev