“Volvo” motosikletlə toqquşdu: ata-ana öldü, uşaqları isə ağır yaralandı - FOTO

Türkiyənin Manisa vilayətində motosikletin və minik avtomobilinin iştirakı ilə ağır yol-nəqliyyat hadisəsi baş verib. Avtosfer.az yerli KİV-ə istinadən məlumat verir ki, insident ötən gün İzmir – Ankara avtomagistralının Kula rayonu ərazisindən keçən hissəsində qeydə alınıb.

Məlumata görə, Uşakdan İzmir istiqamətində hərəkətdə olan Əhməd Gürkan Değirmenci idarə etdiyi 35 KM 709 qeydiyyat nömrə nişanlı “Volvo” markalı minik avtomobillə, 33 yaşlı Şərif Süleyman Ağırbaşın idarə etdiyi motosiklet toqquşub.

Toqquşmanın təsirindən motosikletdə olan sürücü, həyat yoldaşı Nazirə Nazlı (24) və uşaqları Nuriyə Nisa (2) ilə Ramazan Ağırbaş (6) yola düşüblər.

Nəticədə Şərif Süleyman Ağırbaşı ilə həyat yoldaşı Nazirə Nazlı aldıqları xəsarətlərdən hadisə yerində vəfat ediblər. Ağır vəziyyətdə olan övladları isə təcili tibbi yardım briqadasının köməkliyi ilə xəstəxanaya çatdırılıblar.

“Volvo”nun sürücüsü Əhməd Gürkan Değirmenci, polis əməkdaşları tərəfindən ifadəsi alınması üçün bölməyə aparılıb.

Faktla bağlı araşdırmalara başlanılıb.

Namiq Musayev