Xaçmazda içkili sürücü “VAZ”ı kanala aşırdı - VİDEO

Bakı-Xaçmaz yolunda içkili sürücü qəzaya səbəb olub.
Avtosfer.az xəbər verir ki, hadisə ötən ay səhər saatlarında qeydə alınıb. Belə ki, 10-VT-495 dövlət nömrə nişanlı, “VAZ-2115” markalı avtomobil yoldan çıxaraq kanala düşüb. Hadisə şahidlərinin sözlərinə görə, qəzaya səbəb sürücünün maşını yüksək sürətlə sürərək lüzumsuz manevrlər etməsi olub. Nəticədə o, nəqliyyat vasitəsini kanala aşıraraq yararsız vəziyyətə salıb. Xoşbəxtlikdən sürücü ciddi xəsarət almayıb. 
Qeyd edək ki, araşdırma zamanı sürücünün içkili halda sükan arxasında oturduğu müəyyənləşib. 

Nərmin