Xaçmazda “Qazel”lə “Daewoo” toqquşdu; 5 nəfər xəsarət alıb

Bu gün səhər saatlarında Xaçmaz rayonu ərazisində yol-nəqliyyat hadisəsi baş verib. Məlumata görə, qəza Gəndob-Yalama yolunun Xaçmaz ərazisindən keçən hissəsində qeydə alınıb. “Qazel” markalı yük maşını ilə “Daewoo” markalı avtomobilin toqquşması nəticəsində 5 nəfər müxtəlif dərəcəli bədən xəsarətləri ilə Xaçmaz Mərkəzi Rayon Xəstəxanasına gətirilib. Xəsarətləri yüngül olduğundan onlar ilkin tibbi yardımdan sonra evə buraxılıb.

Faktla bağlı araşdırmalar davam etdirilir. (APA)