Yağışlı havada kişini vurub qaçdı

Şirvanda ölümlə nəticələnən yol qəzası olub.

Avtosfer.az xəbər verir ki, şəhər sakini 64 yaşlı Məmmədov Zahid Əlimusa oğlu özünə məxsus “VAZ 21011” markalı avtomobillə “Salyan dairəsi” adlanan ərazi istiqamətində saatda təxminən 60 km sürətlə hərəkətdə olarkən yolu keçən piyada Hacıqabul rayon sakini 56 yaşlı Qurbanov Ramiz Tofiq oğlunu ehtiyatsızlıqdan vurub. Piyada yerindəcə  keçinib. Hava şəraitinin yağışlı olmasını nəzərə almayan sürücü avtomobildən düşərək, piyadanın ölümünə əmin olub və hadisə yerindən qaçıb.

Faktla bağlı 2 maddə ilə cinayət işi başlanaraq istintaq aparılır.

lent.az